ஓர் வரலாற்றின் முதல் வரி

பாலையில் ஊறிய

கிளை நதியொன்று ,

பெருங்கடல் கலக்கிறது.

இருள் சூழ் கூட்டத்தின்

இரண்டாம் சுடரென

பேரொளியின் ஒருபுள்ளி

பெருவெளிச்சத்தின்

சுடர் விடுகிறது .

கரும் புலியொன்று

அறிவாயுதம் பழக

கல்விக்களம் நுழைகிறது.

வாயாடல் உலகமொன்று

வகுப்பறைக்குள் சுழல

தன் இயக்கம் துவங்குகிறது

எல்லாருக்குமான நீல மேகம்

வறன்டவர் நிலங்களில்

வசந்த மழை தர விரைகிறது .

இல்லாமை புத்தகத்தை

முழுதாய் படித்தவனின்

கவிதையொன்று

எளியவர் வாழ்வகராதியில்.

இல்லாமை எனும் சொல் தேடி

அழிக்கப் புறப்படுகிறது .

இப்படியாக ஒரு வரலாற்றின் முதல் வரி எழுதப்படுகிறது

"மகள் பள்ளிக்கு செல்கிறாள் "

‪#‎ஜொஹானா‬ ‪#‎தேவதைப்புராணம்‬